بالنسبة لي ...
النجاح لايقاس بمدى الانتشار و الشهرة بين الناس
انما يقاس بمدى التأثير فيهم وان كان عدد الاشخاص قليل..

قصة قصيرة مرررة مررررة


عنوان القصة : لا تكن نشبة =/
اهداء: الى أنشب واحد في العالم ! اللي اذا جا من ذا الطريق انا اروح من الطريق ذاك عشان اتحاشاه.. لك انت! سحقن مع محبتي..

مقدمه: لسني احب الناس"اللوبّطه"..وفي رواية "اللصقه" وقيل "النشبة "

الفصل الاول والاخير :
س من الناس داخل ع الشباب : سلااااااام
الشباب : وعليكم السلااااام هلااا هلاااا والله!

ص: تفضل يابو الشباب ع العشا
س :لا والله شكراً بالعافيه على قلبكم
ص: ياواد اقولك تعال اتعشى!
س :تسلم تسلم ..شبعان ^^"
ص :ياواد بلا قلّة ادب اقولك تعال!لاتكسر بكلمتي =@
س :والله تعشيت قبل ما أجي تسلم ^^"
ص:اهااا ! طب أجل تعال نقنق لك شوية
س :يابن الحلال عبيتها ع الآخر..كمل أكلك بالعافيه حبيبي
ص: طب لقمه وحده لقمه وحده بس ذوقو
س : << اكلها و وجهه مدري كيف قايل
ص: هاه كيف بس؟ مو لذيذ؟ والحين ودك تاكل الصحن كله ؟ هيا اشوف شمر كمّك وكمل اكل ..
س : ><" يابن الحلال فكني!الاكل حلو بس قلت لك ما ابغى
ص: اش فيك تطالعني كذه ؟هيا ابدا كل ياواد!لا تستحي
س : =@ يااا غـ .. قلت لك ما ابغى يعني ما ابغا!!! يا حـ... كيف تفهم انت ياا كـ.. يااا حـ... الله يلعـ...
<< هذا سين من الناس ضرب ص من الناس بأثقل الاشياء اللي بجنبة .. ثم قطعه اربا ثم حط له بقسماط ..ثم قلاه في الزيت ثم اطعمه الققط! (في داخل خياله طبعا =/ )
انتهى,

ملاحظة :القصة مبنية على احداث حقيقية =/ ..

زبدة الموضوع ! اذا ما كنت تبغى احد يذبحك في خيالة ويطعمك الى القطط فـ

1/ لا تسير زي العلك التقليد اللي اذا تلصق ما عاد يفك ><"
2/ اذا احد قالك ( لا ) مره مرتين بالكثيييييير ثلاث مرات ..فإنه يعني ذلك بكل ماتعنيه الكلمة من معنى ..
3/ ليس من الكرم في شيء انك تغصب واحد على شي هو ما يبغاه عشان تريح ضميرك(الكريم كرما طائياً) على حساب راحة الآخرين ! =/


.

هناك ٨ تعليقات:

  1. ياربي على الناس اللي جيه

    يلوووعوون بالجبد بس احس حرام نجرحهم بالكلاام

    لو الود ودي كان عطيته كف محترمه خخخخ ^^

    ردحذف
  2. ههههههههههههههههههههههههههههههههههههههه من جد

    يوجد هالنوعية من الناس في النساء بعد خاصة العجز =(

    الله يهديهم كل شئ بالغصب ..

    عن اذنك نسخت تدوينتك في التمبلر حقي مع رابط مدونتك واسمك بالطبع =)

    ردحذف
  3. منوّرين الحته يا اخوتنه D=

    NumbSoul_x
    نو بربليم^^

    ردحذف
  4. ههههههههههههههههههههههه وربي اللي في قلبي قلتيه ..
    ياخي خلاص اصلا من مرة وحدة لما احد يقولك لأ يعني لأ لييييش الغصيبة وحركات بهلله وإلا وإلا وما يصير وكيف !!!

    يجيني مغص وامساك مع اسهال لما اضطر آكل ولا اشرب شي وانا ما ابغا وبالذاااااااااااااااااااات لما يكون كمان موو طعم وما احبوو هياااااا مرررررررره خووووودلك .. انا ناقصة يعني :@

    وفي الجهة الأخرى .. اكره لما اجي اسأل احد تبغى عصير مثلا ويقولي لا شكرا بعدين يجوني الناس الكبار (اللي هم يعني) ويقولولي يابت قومي جيبي بلا دلع !!

    طب خلاص هم قالو ما يبغووو ليش الفلسفة طييييييب !!!!

    مرررررررره اكره دي الحركة وبالذات اني اتحط فيها كتييييير وفي الحالتين كمان ..
    يعني في حالة الضيف وفي حالة المضيف .. في الحالتين اكون مجبرة اسوي شي باااااااااااااااايخ ما ابغا اسويه :@

    اعذريني صديقتي حطيت حرتي في الكومنت دا ..
    بس والله بجد شي ينرفز !!

    كنت بأكتب تدوينة عن نفس الموضوع بس أسلوبك كان أحلى وأبلغ ..
    يسعدك ربي يا عسل

    ردحذف
  5. هههههههه يا قلبي عليك

    شكلك تحسرتي بجد الله يكون بعونك

    بعضهم نيته طيبة من زيادة الكرم اعترف ان هالطبع

    فيني اعزم على الواحد ثلاث مرات بعدها اوقف

    صراحة مدري كيف الناس فيه بعضهم تعزمين عليه يعيي مستحي

    بس اذا كررتي مرتين ثلاث ياكل عادي

    شككتيني بطريقتي مدري كيف ما راح اعزم أحد أبد

    ردحذف
  6. هاهاها ... دمك خفيف ربي يسعد قلبك
    بصراحة ... أنا أحس اني نشبة
    وماعندي مانع من التقطيع حتت حتت وقلي الزيت وإطعام القطط .... على العكس ... التضحية من أجل الجياع واجب إنساني

    كل وجه اعتراضي على البقسماط ... أنا أفضل تكون تتبيلتي فلفل أسود وبصل مع عصير الأناناس ... مع وضعي في الثلاجة لمدة 24 ساعة
    هاهاها
    عافية على قلبك وقلوب القطط
    لحظة ... استخدمي زيت الكانولا

    ردحذف
  7. اقسم بالله كأنها انا مع جدتي اذا غصبتني ع الاكل
    ><"
    والمصيبه بعد اذا انغصبتو على شي انتم ماتحبونه!!
    استغفر الله بس !!
    < معاناااااة خخخخ

    ردحذف
  8. هههههههههههههه الله يسعدكم

    والله انا اشوف انها الى 3 مرات هذا شي عادي
    اما اذا تعدت عن 3 ..فيسمحلي الشخص اللي قدامي راح اطعمه للقطط D=

    ردحذف